رياض السنباطى
أشعار: أحمد رامى
هجرتك يمكن أنسى هواك
و اودع قلبك الأسي
و قلت أقدر في يوم أسلاك
و افضي من الهوى كاسي
لاقيت روحي في عز جفاك
بفكر فيك و أنا ناسي
غصبت روحي على الهجران
و أنت هواك يجري في دمي
و فضلت أفكر في النسيان
لما بقى النسيان همي
لو خطر حبك في بالي
و اللا زار طيفك خيالي
حاولت أهرب من الأفكار
اللي تشعلل نار حبي
و فضلت و أنا بالي
محتار ف الحب بين عقلي و قلبي
و كان هجري عشان أنساك
و اودع قلبك الأسي
و قلت أقدر في يوم أسلاك
و فاضي من الهوى كاسي
لاقيت روحي في عز جفاك
بفاكر فيك و أنا ناسي
صعبان عليا جفاك بعد اللي شوفتو في حبك
مش قادر أنسى رضاك أيام ودادك وقربك
لكن أعمل ايه
لكن أعمل ايه و أنا قلبي لسى صعبان عليه
صعبان عليه انو اتمنى جنة قربك
و نال مرادو واتهنا بنعيم حبك
و رجعت تسقيه من صدك كاس الهجران
و تفوت عليه أيام بعدك سهد و حرمان
سهد و حرمان
و قلت أراضيه و أنسى هواك
وودع قلبك الأسى
و كان أملي في يوم أسلاك
و أفضي من الهوى كاسي
لقيت روحي في عز جفاك
بفاكر فيك
و أنا ناسي
ياما حاولت أنساك و أنسى ليال هواك
و أنسى الجمال الي شوفتو في الوجود وياك
حرمت روحي من كل نسمة كانت بتسري بينك و بيني
حرمت روحي من كل نعمة كانت بتحلى وياك في عيني
و قلت أعيش من غير دكرى تخلي قلبي يحن اليك
مفضيلش عندي ولا فكرة غير اني أنسى أفكر فيك
و صبحت بين عقلي و قلبي تايه تايه حيران
أأقول لروحي من قلبي
انسى انسى النسيان
ما دام بهجر عشان أنساك
و فضي من الهوى كاسي
لقيت روحي في عز جفاك بفكر فيك
فيك بفكر فيك و لا ناسي